O'yin ichida o'yin

Oʼktamning ota-onasi bolaligida ajrashib ketishadi. U onasi bilan birga qoladi. Oʼktam ulgʼaygach, advokat boʼlib, oilaviy yoʼnalishni tanlaydi. Obroʼli advokat boʼlib, yaxshi pul topadi va qimmatbaho mashina sotib oladi. Bir kuni uning uyiga sinfdoshi Murod keladi va firmaga ishga kirganligi bilan tabriklaydi. Lekin, uni sinfdosh yaqinlaridan uzoqlashishda ayblaydi. Oʼktam buni tan olmaydi. Oʼktamning onasi unga doim uylanish haqida gapiradi. Oʼktamning esa, doim ish bilan band edi. Ishxonada Shohida degan qiz bilan ziddiyatga borib qoladi, hamkasblarini mensimaslikni boshlaydi. Oʼktamning oʼzi Sevara degan qiz bilan iliq munosabatda, ammo, vaqt oʼtib uni yoqtirmay qoladi, hamda undan voz kechishni ham oʼylay boshlaydi. Doʼsti Murod uni fikridan qaytarmoqchi boʼladi. Аmmo, kibrga berilib ketayotgan Oʼktam doʼstini ham, sevgilisini ham mensimay borardi... Oʼktam oʼzini oldinda nimalar kutayotganligidan bexabar edi...