Kelinlar qo'zg'oloni

Ushbu filmda Melis Abzalov o'zining avvalgi “Buvijon-general” nomli kartinasida boshlagan “rahbar”ni jamoa - oila orqali qayta tarbiyalash mavzusini davom ettiradi. Oldingi film singari, bu yerda ham bosh qahramonlar - katta oila a’zolari bo'lib, ularning boshida keksa Farmon-bibi turadi.U halol va dono ayol, mehribon ona, adolatli qaynona. Biroq bir qarashda u oilaning hisob-kitobli va despotik bekasi bo'lib tuyulishi mumkin. U vaqti-vaqti bilan o'g'illarining yetti kelini hamda yigirma nabirasini har xil nodonliklardan tiyib turadi. Aynan shunday taassurot u kelinlarning eng kichigi - Nigora uchun ham qoldirgan edi. Lekin u Farmon-bibining oiladagi qattiqqo'lligiga qarshi bosh ko'taradi va boshqa kelinlarni ham o'z tomoniga og'diradi.Ammo bu “isyon” hech kimning yutug'i bilan yakunlanmadi - tomonlar oxir-oqibat bir-birlarining ajoyib fazilatlarini ko'rib, avvalgidek tinchlik va farovonlikda yashashga qaror qilishdi.