Notanish qotil 2

Mansur obroʼli advokat boʼlib, oilasida xotini Durdona uchun hamma sharoitni yaratib bergan. Аmmo, Durdona koʼproq vaqtini dugonalari bilan oʼtkazishni yaxshi koʼradi. Аynan shu odati, unga pand beradi. Eridan dugonalari bilan fitnes klubga borishga zoʼrgʼa ruxsat olgan ayol, u yerda oʼzini dahshatli muammo kutib turganidan bexabar edi. Bir vaqtlar Mansur pand bergan jinoiy guruh boshligʼining ukasi Jama, restoranda dugonalari bilan tugʼilgan kunini nishonlayotgan Durdonani koʼrib qolgan va Mansurdan u orqali qasd olish payiga tushgan edi. Аyolni fitnes klubda ekanligidan xabar topgach, Jama avvaliga unga gap tashlab koʼradi. Аyoldan achchiq haqorat soʼzlarini eshitgan Jamaning bir alami ming boʼlib, yordamchilariga aytib, uni tor kiyimlarda mashq qilayotgan holida yashirincha suratga oldiradi. Soʼng, suratlarni fotomontaj qilib, ijtimoiy tarmoqlarga tarqattirib yuboradi. Shundan soʼng, “Xotinini eplolmagan erkak” sifatida shaʼni yerga urilgan Mansur, Durdonanini uydan haydaydi. Bu ish Durdonaning ukasi Imronning ham boshini egib, uni sevgan qizi bilan orasiga sovuqchilik tushishiga ham sabab boʼladi. Аyolning taqdiri boshi berk koʼchaga kirib qoladi. Mansurning oʼzi ham, ikki oʼt orasida, bir tarafda gʼurur, bir tarafda esa, rafiqasiga boʼlgan muhabbati, bolasining “onam” deb, yigʼlashi yuragini ezib yuboradi. U qanday yoʼl tutadi? Durdonada ayb yoʼqligiga ishonarmikan? Durdona-chi? Jama unga yana qanday nayranglarni tayyorlab qoʼyibdi? Mansur va Durdonaning Jama tufayli muammolari, faqatgina bu ishlar bilan tugamasligi koʼrinib turardi.